徛佇田中央

日頭赤炎炎的熱天，我和朋友來到淡水殼牌倉庫看良一的攝影展。偎晝的時間，自車站出來，一港燒氣對面衝過來，實在足無想欲離開有蔭的所在，行出去日頭跤。朋友佮伊的外甥仔仝齊來，十歲的囡仔，若像無塊驚日頭，歡歡喜喜就欲過街路。顛倒是阮兩个「老小姐」，雨傘夯咧，帽仔戴咧，干焦想欲較緊行入去有冷氣的所在。行到展覽的倉庫外口，看著一張宣傳的看板，畫面當中是一位坐佇田底的作穡人的尻脊骿。相片雖然是烏白的，但是我看著彼塊拄仔對土跤搝出來的一大塊薑仔，就知影邊仔的土應該是紅色的，這是八卦山台地土壤的色水。而且彼个尻脊骿，就是佇田裡毋知經過偌濟年的向腰、日頭曝、雨水淋，才會安呢看起來若像磨過的石板仝款金滑金滑。作穡人毋管天氣安怎變化，攏愛配合種作的穡頭來出門，才無像阮即款去予文明寵歹去的人，傷過貴氣，到家已有淡薄仔歹勢的程度。 

 行入去倉庫，門一開開，就鼻著稻草的芳味。「徛佇田中央」的展覽原本是計畫欲共相片囥佇割稻仔了後的田底，逐家通好行落去田中央來看相片，體會作穡人的「跤踏實地」。毋拘聯絡上無真順利，後來只好「共田搬來展覽場」。良一去訂一批稻草，摠草摠好來tshāi佇土跤。在我看起來，安呢的安排毋若是展出照片，本身嘛是一種「裝置藝術」，而且閣有教育的作用。聽講真濟囡仔看相片才知影米佇田底生作啥款，朋友的外甥仔看著彼盒粟仔，嘛用華語講：「我有看著彼有『飯』。」 

 其實我嘛仝款真愛翕佇田裡種作的作穡人。不過我歹勢共鏡頭對生份人翕相，定定是偷偷仔、遠遠仔翕。良一捌共我講過，拄著想欲翕的鏡頭、人物，毋通攏翕人的背影，應該親身去佮怹熟識，puânn-nuá 交朋友，予人歡喜甘願入你的鏡頭。我看伊展出的相片，確實攏是逐家面對鏡頭，毋是「偷翕」的。伊毋是像打獵的人看著飛鳥走獸夯槍就拍、嘛毋是像一寡仔人共作穡人當作鄉土、懷舊氣氛的代表，干焦注重畫面的情調，對畫面中的人攏無尊重，良一是真正佮對方當作熟識的朋友仝款來翕相。 

 我推薦逐家去看伊的展覽，毋是干焦因為伊是我的朋友、員林鄉親，嘛毋是干焦因為伊的相片本身（相片當然真讚！），是因為我知影翕相的人是一位疼惜土地、尊重生命、溫馴有正義感的好人。

站在田中央攝影展 展出時間：2012.8.4—2012.9.2，每日09:30-17:30，周一休館 

展出地點：淡水殼牌倉庫C棟(新北市淡水區鼻頭街22號，捷運淡水站東側後方)

 http://goo.gl/maps/aapC 

 http://blog.roodo.com/avant1997/archives/20030596.html

對土跤透出來的日頭

冷風kang人、骨頭強欲結冰的黑陰天
寒天的日頭恬恬走去匿
雖然落雨嗒滴
地下猶原熅燒一个光明的秘密
等到菜籽仔抽穎
日頭就欲閣出世

透中晝的日頭化做金熠熠的花蕊
對土跤透出燒氣
田園的iah仔一定真驚疑
為啥乜四界攏出日？

農藥仔（補圖）

最近日頭愈來愈短，下晡騎車攏愛趕佇四點半進前就出門，若無會 chhiân 傷晚。若是日頭暗矣猶閣愛騎爬崎，心情攏會真稀微。

拄仔斡入去田岸路，馬上就看著歸土跤的死鳥仔，才一、兩百公尺nia nia，就有差不多二十隻的鳥仔。像紅斑鳩、珠頸斑鳩遮呢大隻的鳥仔倒佇路邊，這一垺、遐一垺，看起來真奇怪閣真恐怖。

這是隔一禮拜後去翕的，已經予車kauh扁去矣。

竹林邊彼間工寮，平常攏用鐵鍊仔鎖一隻黑狗。今仔日黑狗無看，換一隻雜花仔狗，無綁鍊仔，看著我就開始對我的後壁一直jiok、一直jiok。呼！我尚驚狗仔啦，拚死較緊騎走，心肝猶閣pho pho chhaiN。

得欲騎到七星茄苳遐的時，遠遠就看著阿元仔伯。見擺看著伊攏真歡喜，一定愛擋落來開港兩、三句。我問阿伯伊的粟仔tang時會收，阿伯目睭看對遠遠的另外一頭，若像leh查一本別人攏無看的曆日仔，講：＂差不多是十月初六、初七左右仔。＂阿伯種的稻仔我嘛算是自細漢看到怹大漢，收成的時我嘛是想欲來看。

雄雄我想起遐的死鳥仔，趕緊來問阿伯。阿伯聽我講煞，伊就講：＂he就是噴好Ｘ冬啦，刁工給thāu的啦。＂

我閣問：＂是噴佇稻仔頂面，鳥仔來呷粟仔，自安呢予thāu死的，是否？＂
阿伯講毋是：＂he是作穡人刁工提一寡有農藥仔的物件，囥佇田岸仔邊予怹呷的。＂
＂所以，鳥仔呷落去，飛走了後才發作，身軀無力自安呢對天頂栽落來是否？＂
＂無啦，he有的呷落去隨死去。＂

有影，遐仔的死鳥仔攏死佇田岸仔邊，毋是飛走才落落來的。這農藥仔有夠厲害！

阿伯講彼款好Ｘ冬伊嘛bat用過一遍，若是 chōaN一、兩點鐘，人就支chat袂tiâu，愛返去厝裡坐leh歇睏。返去了攏沒胃口，呷袂落飯，愛艱苦歸晡。

阿伯總結即句：＂彼對人太損。＂

自遮阮閣講起農藥仔價數對農業的影響，阿伯講今年農藥仔猶閣起價，油價嘛起，一甲地 pháng起來比以前貴兩、三千。我對＂江湖在哪裡＂彼本書學來的知識，就是台灣的經濟是農業打拚kēng起來的，但是政府顛倒沒照顧農民，農會控制農藥仔佮肥料的價數，欺負農民悿悿。遮的攏和阿伯的意見相仝。我雄雄想著問伊：＂阿伯，你有想欲讀我講的彼本冊否？＂阿伯沒講好，但是嘛無搖頭拒絕，顛倒嘴唇欲開欲開，若像欲同意仝款。我較緊閣給加一句：＂即本是我的朋友寫的，真好看，你欲看我chah來借你看。＂阿伯自安呢講好。

了後欲告辭矣，阿伯想欲khau寡仔塗豆予我chah返來，我雖然真想欲愛，但是跤踏車沒籃仔，身軀嘛無chah任何袋仔，只好等後擺啦。

－－－－－－－－－－－－－－－－－－－－－－

華語對譯：

最近日頭愈來愈短，下午騎車都要趕在四點半之前就出門，不然會太晚。如果天黑了還要騎上坡，心情都會很凄涼。

剛剛轉進去田邊路，馬上就看到滿地的死鳥。才一、兩百公尺而已，就有差不多二十幾隻的死鳥。像紅鳩、珠頸斑鳩這度大隻的鳥也倒在路邊，這裡一垺、那裡一垺，看起來很奇怪又很恐怖。

竹林旁邊那間工寮，平常都用鐵鍊鎖著一隻黑狗。今天沒看見那條黑狗，換了一隻雜花狗，也沒綁鍊子，看到我就開始從我的後面一直追、一直追。呼！我最怕狗了，拚命的趕快騎開，心頭仍然怦怦跳。

快騎到七星茄苳時，遠遠就看著阿元伯。我每次看見他都很高興，一定要停下來聊幾句。我問阿伯他的稻子什麼時候要收割，阿伯眼睛望著遠遠的另一方，好像在查一本別人都看不到的日曆，說：＂差不多是十月初六、初七左右。＂阿伯種的稻仔我也算是自小看到他們長大，收成的時我也想來看。

忽然我想起那些死鳥，趕緊問阿伯。阿伯聽我說完，就說：＂那就是噴好Ｘ冬啦，故意毒死的。＂
我又問：＂是噴在稻子上面，鳥兒來吃榖子，就這樣被毒死，是嗎？＂
阿伯說不是：＂那是種田人故意拿一些有加農藥的東西，放在田埂邊讓牠們吃的。＂
＂所以，鳥兒吃下去，飛走後才發作，身體無力就這樣從天上掉下來是嗎？＂
＂沒有啦，他們有的吃下去馬上就死了。＂

真的，那些死鳥都死在田埂邊，不是飛走才掉下來的。這農藥真是厲害！

阿伯說那種好Ｘ冬他也曾用過，如果噴了一、兩個鐘頭，身體就支撐不住，得回去家裡坐著休息。回家後也沒胃口，吃不下飯，會難受一整天。

阿伯總結一句：＂那對人太傷。＂

從這裡我們又聊起農藥價格對農業的影響。阿伯說今年的農藥又漲價了，油價也漲，一甲地翻土起來以前貴兩、三千。我從＂江湖在哪裡＂那本書學來的知識，就是台灣的經濟是農業打拚撐起來的，但是政府反而沒照顧農民，農會控制農藥和肥料的價格，狠狠的欺負農民。這都和阿伯的意見相同。我忽然想起來問他：＂阿伯，你想不想讀我說的那本書？＂阿伯沒說好，但是也沒搖頭拒絕，反而嘴唇一開一閉，像是要同意一樣。我趕快再加上一句：＂這本書是我的朋友寫的，很好看，你要看我下次帶來給你看。＂阿伯就這樣說好。

之後要告辭了，阿伯想割一些花生讓我帶回家，我雖然很想要，但是腳踏車沒籃子，身上也沒帶任何袋仔，只好再等下次了。

生米已成熟飯：2009夏耘《農村草根調查》

音寧的生米已煮成熟飯！

想吃嗎？只要參加2009夏耘《農村草根調查》，就可以吃到自然荒癈法種出來的米飯喔。

以下代貼搖滾農婦的信。

伙伴們

夏日安好

「農村草根調查」活動期間，
讓我貢獻「自然荒廢法」生成的新米吧！
這米，播種於反農再運動的初期，
收成於暫時阻擋農再通過的立院會期結束之際，
算是和反農再運動，同步，
而我今天吃了第一口，
耶，不錯喔

期望7/29-7/31在美濃的活動中，
和各位一起分享。

請多多參與、報名，
並廣為宣傳這個夏天的農村調查活動喔！

相信這會是個美好的夏天

音寧

自然荒癈天賜收成

搖滾農婦的田要收割了，作姊妹的當然要給個精神支持，順便也客串一下特約攝影師。割稻機還沒來之前，先出了個小小的意外。原來音寧並不知道當天圳溝會送水，就沒把進水閥關上。等到到了田裡，才發現原本應該乾燥的田土，已經浸在淺淺的水漥當中了。一時又找不到蓋子，音寧於是開始構築緊急水利工程，擋住還繼續汩汩流進田裡的圳水。

　

雖然主人慌得要命，小白倒是很開心的在玩水。







我幫音寧插上稻穗作為豐收日髮妝。




因為稻子長得不夠高，割稻機沒辦法把稻株捲到中間來打下稻穀，所以有部分的稻子都得用手割。有經驗的阿桑們說，已經三十幾年沒看過長得這麼糟（bai）的稻子了。





庄裡陸續來了幾批人看熱鬧，大家都要看第一次種稻子就出名（音寧說：就是bai到有出名）的這區田。

喂，難道你們不知道音寧用的是對土地剝削最小的自然荒癈法嗎？別說是農藥，連肥料幾乎都不加的。當然有經驗的農友看了都很難受，大家七嘴八舌的提供改進意見。




因為穀子量不多，也無需機械乾燥，直接倒到門口埕曬就行了。





不過穀子才剛倒下來，雨就來了，剛好就是吳老師的詩曬穀場描寫的場景。（順便廣告一下，這首曲子今年有入圍金曲獎喔。）

小滿巡田水：搖滾農婦

我和音寧有一暫仔沒見面矣，有一擺佇電話中我問伊：「五日節休幾若工，欲同齊出來耍否？」

「妳是講，妳休幾若工，會當來共我鬥割稻仔是否？」

「啥乜？彼陣敢已經會當割稻仔矣？」

「是啊，」即位搖滾農婦佇電話彼頭講：「人我今仔日去看，已經有吐花矣捏。」

稻仔開花



背景彼排樹仔就是詩人的樹仔園（有號名，叫做純園）

我第一擺看著伊作的即塊田，是舊年寒天和怹爸爸去踅怹兜的樹仔園。吳老師比彼塊新買的地予我看，彼陣頂一期的稻仔已經割煞矣，會當看著土的色烏烏，吳老師講這是濁水溪岸尚肥的土地。即塊地老師拍算欲予怹查某囝音寧來作，閣鼓勵我來作伊的「榖東」，予伊一寡仔精神上的支持。榖東愛安怎作我實在沒概念，總是這是我關心的朋友一家伙仔，入股有啥乜問題？我當然嘛是講好。

誰知影紲落來幾若個月，我一直沒閒，逐禮拜若像攏有作袂煞的工課。音寧幾若擺給我講：「明仔載稻仔就欲播落去矣喔！」「我的稻仔已經發欲尺懸矣，汝是當時才會來翕相？」有一擺又閣聽伊講伊的稻仔攏沒噴農藥仔，分蟲吃，所以發了比別人的較矮，產量嘛可能會較少。我即個無名閣無實的「榖東」自頭到尾攏無給伊鬥相工，竟然稻仔抵欲會當割矣，想起來實在有夠歹勢。算算咧，節氣「小滿」馬上到矣，較緊佮伊約時間來巡田水。



田岸仔正爿是別人的正常落肥、噴農藥仔的稻仔，左爿是音寧採取野生方式種的田。同齊入鏡頭的是音寧的保鑣－－小白。音寧去巡田水，伊攏會綴去，嘛攏會等到主人欲返去才會綴伊返去。



因為無囥農藥仔，所以定定有魚仔、鳥仔、蟲仔來敕桃，暗時閣有火金姑。





同一个時陣種落去的稻仔，別人的穗抽較長，花較媠。



無囥農藥仔的田，稻仔雖然外觀無真媠，但是時間到矣，嘛是會飽漿、會垂頭，確確實實就是「小滿」。

所以音寧會講：「我已經真滿意矣」，這嘛算是另外一種「小滿」，小小的滿意啦。


－－－－－－－－－－－－－－－－－－
華文對譯：

我和音寧有一陣子沒見面了，有一次在電話中我問她：「端午節休好幾天假，要一起出來玩嗎？」

「妳是說，妳休好幾天假，可以來幫我割稻是嗎？」

「什麼？那時候已經可以割稻了嗎？」

「是啊」這位搖滾農婦在電話那頭說：「人家我今天去看，已經有吐花了。」

我第一次看著她種的這塊田，是去年冬天和她爸爸去逛他們家的樹園。吳老師指著那塊新買的地給我看，當時上一期的稻子已經收割了，可以看見黑黑的土壤，吳老師說這是濁水溪岸最肥沃的土地。這塊地老師打算要給他女兒音寧來種，又鼓勵我來作她的「榖東」，給她一點精神上的支持。榖東要怎麼作我實在沒概念，總之這是我關心的朋友一家子，入股有什麼問題？我當然說好。

誰知道接下來好幾個月，我一直沒空，每個星期好像都有作不完的工作。音寧好幾次跟我說：「明天稻子就要插下去了喔！」「我的稻子已經長了快一尺高了，你是什麼時候才要來照相？」有一次又聽她說她的稻子都沒噴農藥，分給蟲吃，所以長得比別人的矮，產量也可能比較少。我這個無名又無實的榖東，從頭到尾都沒幫上什麼忙，竟然稻子快要可以收割了，想起來真的很難為情。算算節氣「小滿」馬上到了，趕緊跟她約時間出來巡田。

田埂右邊是別人的正常施肥、噴農藥仔的稻子，左邊是音寧採取野生方式種的田。一同入鏡的還有音寧的保鑣－－小白。音寧去巡田水，小白都會跟去，也都會等到主人要回去才跟著回去。

因為沒用農藥，所以常常有魚、鳥、蟲來玩耍，晚上還有螢火蟲。

同一個時期種下去的稻子，別人的穗抽比較長，花開得比較漂亮。

沒用農藥的田，稻子雖然品相不甚佳，但是時間到了，也是會飽漿、會垂頭，確確實實就是「小滿」。

所以音寧說：「我已經很滿意了」，這也算是另外一種「小滿」，小小的滿意啦。

後花園盛開

新年第一貼，還有什麼比地底透出的陽光更適合拜年呢？回頭看看自己以前拍的油菜花，還真是遜到破表。其實即使是現在，貼出這樣的照片跟人家比起來還是感到很難為情的。只是儘管年年都拍的差，每一年都還是想要和朋友分享油菜花為我帶來的喜悅。今天下午和白吉翎到我慣常遊賞的後花園巡田，就找到了七、八處花田呢。

彩色行事曆

冬天的田地似乎給人一種乾枯的印象，但真是如此嗎？若非稻子已割完，裸露出土壤，上哪兒找這麼大片的畫布來染出那夕陽紅？遍地土黃之中，遠遠看到七星茄苳旁的綠光，像是田地裡被傾灑了大片的顏料一般，令人眼睛一亮。





油菜的綠另有一種可以振奮人心、與眾不同的亮度，大老遠就讓人心中雀躍。



附近大部分的油菜田都才剛抽芽而已，唯獨這一區進度驚人。摘菜的歐吉桑說因為這一區田沒有種稻子，後來又雨水多，種什麼都長不好，所以就比別人提早灑下了油菜籽。現在摘的菜，是明天上午要讓他的太太拿到巿場去賣的。



很多田裡的柳丁也都採收了，這一區還有纍纍的果實映照著下午的陽光。每年我都固定買一家牛奶柳丁，他們的柳丁園在我經常路過的路上，等於是我看著長大的。重點是因為以牛奶澆灌，甜度很高，榨汁起來喝得很過癮。



櫸木新葉在陽光下紅嫩動人。




上個月店小二一家來訪，提到油菜花快開了，店小二說：「妳的季節快到了。」我一怔，然後會心一笑。真的，從苦楝的果子變成金色、油菜花開、柳丁成熟，接著就是該造訪幸福橘子園的時機，我的行事曆因為這些期待了多時的色彩，一季都是繽紛。

捉迷藏

乍看平平無奇的一景。換個角度再看一次。







看見了嗎？









哎喲，這位迷路的兵馬俑先生，躲在這裡是要嚇死人啊？

即使是太陽高照，在四下無人的田間小徑，忽然眼角瞥見這位藏在樹叢裡的今之古人，實在讓人心裡發毛啊。

摠草示範教學

粟仔收煞，稻草嘛會使提來利用。作穡人ka割落來个稻草縛做一束一束，叫做摠草。摠好个草會使提去kham竹跤（熱天保持土跤个水分，寒天保溫），嘛有人提去拍草索仔。我哪是看著田底有摠草，就放心啊。尚驚个就是無欲閣利用，乾脆給放火燒田。我滯佇風尾，見擺人leh燒稻草，我个目睭、鼻仔做一下艱苦起來，真食力。其實稻草留佇田底，予伊自然漚乎爛，明年種作个時，土較會鬆，土嘛較有養分，種稻仔m-chiah會媠。

有个田較早收个，已經ia油菜仔籽矣。閣一、兩個月，巡田个時就會用li看著大片大片个油菜花矣，真期待。

這攏是我佇＂田邊俱樂部＂田野調查聽來个。


［華語對譯］

收完稻子，稻草也可以拿來利用。莊稼人把割下來的稻草綁成一束一束，叫做摠草。摠好的稻草可以拿來蓋竹子腳（夏天保持土壤濕度，冬天保溫），也有人拿去編草繩。

我如果看到田裡有摠草，就放心了。最怕的就是稻草沒打算再利用，乾脆放火燒掉。我住在風尾，每次有人燒稻草，我的眼睛、鼻子一下子全難受起來，很嚴重。其實稻草留在田底，讓它自然漚爛，明年種作時，土壤較鬆，也較有養分，種出來的稻子才會漂亮。

有的田比較早收成的，已經灑下油菜子了。再一、兩個月，巡田時就會看到大片大片的油菜花，真期待。

這都是我在＂田邊俱樂部＂田野調查聽來的。

秋收08

*即篇來佮polanyi作連線

自頂禮拜我就ka田主阿伯交待，希望收成進前會當先通知我，予我去翕相。昨昏阿伯个後生就敲電話來通知今仔日早起欲收，但是時間猶毋知。因為愛看早起露水有重否，哪是露水濟，都愛等日頭出來小寡仔曝乎乾了再收。

昨暝搭茫，心內都leh想毋知早起起來天氣怎樣。亂鐘仔設六點四十五，但是我六點半就家已精神矣，感覺窗仔門外黑陰黑陰，有淡薄仔煩惱。雖然如此，嘛是較緊起床準備。一直等到欲八點，天猶未開。八點半个時陣，阿伯怹後生打來講即馬leh割另外一區，真緊就欲到七星樹遐。因為我早都準備好矣，馬上就出門，路上感覺有滴著幾滴仔雨。

到位个時，割稻仔機已經佇隔壁个田割得欲一半矣。車仔拄拄仔停好，相機chhim欲提出來，阿伯怹後生嘛駛粟仔車來到位。我問伊粟仔欲賣去佗位，伊講有台北、苗栗遐个生理人來買（bao歸區）。我問伊：「按呢咱買米个時，頂面寫个佗位、佗位出產，毋都攏無影？」伊只是笑笑，一邊搖頭。



第一擺企佇即欉茄苳跤翕相



大姐割稻仔

駛割稻仔機个是一對尪仔某，查甫人駛機械，查某人夯刀子割。沒需要伊割个時，大姐就過來ka我開講。原來怹滯佇屏東東港，但是歸年thang天攏駛插栽仔機、收豆仔機、割稻仔機全國南北走透透。伊講怹收阿伯怹兜个田，已經十外冬矣。（講到遮，阿伯嘛騎車仔出來看收粟仔）每一年攏會來這滯欲十外工，一擺差不多收三十外甲田。 聽伊講阿伯仔是即搭圍仔尚gau顧粟仔个人，伊種的粟仔雖然無真大欉，但是到稻仔尾來，一穗一穗垂垂垂，足飽閣足水个。平平差不多寬个田，阿伯種个地產量就是比別人較濟。阿伯閣袂kham步，攏會教人安怎顧。

想袂到我當初只是無張持停佇路邊找人講話，竟然就予我拄著尚gau顧粟仔閣尚古意个阿伯，實在有夠好運。



雀鳥仔飛來飛去，若像歡喜ka欲起痟

雖然大姐和阿伯攏講今年个粟仔較bai，但是我看著粟仔若像自來水安呢一直漏落來，嘛是歡喜ka喙仔開開。

影片品質有夠粗，較輸看相片


 


駛割稻仔機愛有技術



像安呢个角度有媠否？

見擺攏佇路邊ka阿伯講話，後一擺等我給相片洗一組出來送伊，都打算欲親身來怹兜拜訪。

2008/11/16



[華語對譯]

從上星期開始我就交待田主阿伯，希望他收割前可以先通知我，好讓我去照相。昨晚阿伯的兒子就打電話來通知今天早上要收割，但是時間還不確定。因為要看早上的露水重不重，如果露水多，就要等太陽出來稍微曬乾了再收割。

昨晚起霧，我心裡就想不知道早上起來天氣如何。鬧鐘設在六點四十五，但是我六點半就醒了，感覺窗外天陰陰的，有一點擔心。雖然如此，還是趕緊起床準備。一直等到快八點，天還沒放晴。八點半的時候，阿伯的兒子打電話來說現在已經在割另外一區，很快就會割到七星樹這一塊。因為我早就準備好了，馬上就出門，路上還感覺有滴到幾滴雨。

到達的時候，割稻機已經在旁邊的田裡割快要一半了。我的腳踏車剛停好，相機才要拿出來，阿伯的兒子也開著穀子車來了。我問他穀子要載去哪裡賣，他說有台北、苗栗的生意人來買走（包全區）。我問他：「那我們買米的時候，上面寫的哪裡、哪裡出產，豈不是都是假的？」他只是笑著，一邊搖頭。　
 
開割稻機的是一對夫婦。另人開機器，女人拿刀子割。不需要她割的時候，大姐就過來和我聊天。原來他們住在屏東東港，但是全年都開著插秧機、收豆子機、割稻機全國南北走透透。她說他們幫阿伯家的田地收割，已經十多年了。（聊到這裡，阿伯也騎車出來看收割）他們每年都會來這裡住十多天，一次差不多要收割三十多甲地。聽大姐說阿伯是這一帶最會種稻子的人，他種的稻子雖然不太大欉，但是到了稻子尾，一穗一穗的垂掛，又飽滿又很美。一樣差不多寬的田，阿伯種的地產量就是比別人還要多。阿伯又不會藏私，都會教人怎麼種。

想不到我當初只是碰巧停在路邊找人說話，竟然就讓我遇到了最會種稻子又最誠懇的阿伯，真是好運。

雖然大姐和阿伯都說今年的穀子較差，但是我看到穀子像自來水一樣一直流出來，也是開心得嘴都合不攏。

每一次我都是在路邊和阿伯聊天，下一次特我把照片洗一組出來送給他，就打算要親自登門造訪了。

金色的午后