我雖然毋是教徒，但是即幾年交个朋友，有幾若个攏是教會个人。
今仔日，我个好朋友店小二佇台南三一教會封立作牧師，伊邀請我去觀禮。即个場合，我閣較無閒，嘛愛撥工去參加。看著即間教會个規模，我就知影店小二以後个責任真大，可能無啥物時間會當來網路頂面寫東寫西，kah咱搏感情囉。
佇感恩禮拜進行中，有幾若擺愛徛起來唱聖詩。聖詩真好聽，但是我一句都袂曉，只有憨憨徛咧看人唱。等店小二予人介紹出來徛佇台頂个時，我聽著後壁一个歐巴桑講：「真少年，閣水」，確實，阮即个店小二是真少年閣真緣投。我一直想欲翕伊予遐个牧師行「按手禮」个鏡頭，可惜我坐佇禮拜堂較後壁个所在，照出來个相片攏霧霧。
我一直感覺和店小二怹一家足親，所以今仔日我好親像是家已个兄弟咧辦喜事同款，足歡喜、足歡喜。欲離開个時，我kah穿牧師服个伊大大个抈*一下（我抈伊即下个祝福，應該是毋較輸彼幾个牧師个按手禮），佇返來个車頂，想著即个好朋友，我猶閣一直笑、一直笑。
*抈：讀作moh，「抱」个意思，請參考台華線頂字典。
想未到汝个腳手遮緊，報導隨落出爐阿
回覆刪除今阿日阮有哪有參加。遇著無閒咧攝相的heuss。
觀禮的人客佮信眾有够濟个濟，大教堂內人山人海，坐甲滿滿。
阮只好企佇上尾排，看半晡攏找無汝的形影，後來因為厝內有代誌卜辦，半中途先「酸」。
鄭牧師職回个封牧真正是有够盛大个典禮阿。
苦桑，阮嘛是直直越頭咧揣你，但是人確實足濟，目睭攏花去矣，總是較緊揣位坐落來較妥當。汝先「酸」有夠無睬啦，阮哪早知影你嘛有來，都會使請heuss來共咱逐家翕相，汝嘛會使領今仔日个紀念品（是一本書，閣有一支紀念伊封牧个金色書簽，書簽个台語我袂曉講）。
回覆刪除反正，店小二哪是知影你亦有來鬥鬧熱，一定嘛真歡喜。
雄雄想著，人即馬已經是牧師矣，是毋是毋tang閣叫伊店小二矣？
各位大人：
回覆刪除請恁毋tang客氣，繼續閣叫阮店小二，這個名先來的，而且筆畫比較少，阮足愛用。
沒有看到苦桑，但是有收到一箱雙全的紅茶，就知道你來了（另外還有一個袋子裝了四本書，是不是也是你留來，要送給我的？）
看到你們來，我很高興。我這邊還有一些事先留的書籤，因為我知道我的朋友都是客氣的人，需要的時候會禮讓，如果不嫌棄，就出個聲（後手剩沒多少）。
手上沒有半張照片，都在別人的相機裡，等拿到照片，再貼幾張上來。
知道你們來，我心裡足歡喜！Arkun姊姊，也真的親像自己的姊姊。想到這款幸福，整日攏有精神。