阮兜拜公嬤个菜，通常兩張桌子擺甲滿滿滿
上元暝，阮攏愛返去阿公、阿嬤遐拜公嬤、吃暗頓。下晡爸爸先去買醉鵝，欲予愛呷鵝肉的阿嬤加菜。但是伊煞袂記得，今仔日阿嬤呷菜。阿公、阿嬤佮屘叔住作伙，只有屘叔尚清楚阿嬤初一、十五呷菜。阿嬤呷菜彼一工，屘叔攏會共阿嬤買一寡素料來予伊配飯。
我會記得自細漢个時陣開始，見擺若過節，阿嬤就會佇灶腳煮東煮西，準備拜拜。我尚愛呷个一出菜就是阿嬤叫做tenpura个炸肉，阿嬤會先炸一塊，叫阮先呷看覓仔鹹xiam有拄好否，若無都愛閣加糖亦是加豆油，閣試一擺。因為過節个彼工，通常攏拄著阿嬤呷菜，袂使呷臊。不管是過年、上元、中元、下元，亦是中秋，毋是初一就是十五，連阿祖作忌彼工嘛拄好是初一，所以定定阿嬤歸下晡攏佇灶腳煮菜，煮到來閣愛傳落去拜拜，等到拜好逐家攏坐偎來呷晚頓个時，伊顛倒自己捧一碗飯佮素料，去坐佇壁角仔呷。有當時，伊會講欲佮逐家鬥鬧熱，若是按呢，伊嘛會來坐桌，只是坐佇桌角，伊自己面頭前囥个彼兩盤素菜，阮逐家攏愛注意毋tang挾毋著。嘛有時陣，阿嬤个素料看起來真好呷，阮就會拜託伊挾一寡仔來予阮試呷。那是伊先呷飽矣，伊嘛猶會坐咧，笑微微看阮大家呷飯、講耍笑。
我攏感覺阿嬤煮个好料，自己呷袂著，實在是真犧牲。閣親像今仔日，鵝肉是為著伊買个，趁鮮尚好呷，但是阿嬤顛倒呷袂著，有夠可惜。雖然阿嬤攏講沒要緊，見若過年過節，伊看著子孫歸大陣返來，就會歡喜甲笑咍咍，「干旦歡喜都飽矣」！
閩南語推薦用字
阿嬤食菜的理由是？很欽佩可以這樣堅定地執行著。
回覆刪除很辛苦的主婦，很難從家務勞動退休。但是能夠一大家子團聚，真的很幸福。
據我所知，阿嬤吃素跟大多數民間信仰吃素的人一樣，來自於一模糊的行善積功德概念。能這樣堅定執行的人，很多很多。記得那愛之味的廣告嗎？
回覆刪除足甘心ㄝ！
回覆刪除哩尬阿嬤ㄟ感情金賀，
嘛乎阮想到過去，
阿嬤常叫阮買米件，
春ㄝ ㄟ 銀角ㄚ 攏嘛乎阮 做索費，
恁刀拜擺 五告 沏超ㄝ，
賣鬥攏么起來！
此篇寫了真正嫷, 妳的台語詞真活
回覆刪除我嘛是真欽佩會當堅持初一十五吃菜的阿嬤!
另外一個話題:
彼日與一寡台文系的學生聚集, 講著足濟台語用詞已經受中文影響真深, 意思就走精去啦!
少年囡仔與阿嬤呷飯, 少年囡仔一直好意叫阿嬤:"呷菜啦!呷菜啦!"
阿嬤起受氣:"今仔日我無欲擱呷菜啦!呷有夠濟啊!甘若呷菜無呷肉,胃會起cho7呢!"
少年囡仔:"我無叫你無呷肉啊!"
"koh講無?明明就是甘那叫我呷菜nia5!"
karla桑：汝貢A話盡有異俗，gua小漢A時陣，但dia看到桌頂A菜do問阮老母－－那A long是菜?阮老母do貢：long是菜擱無好喔！唉！不是這樣的意思啦~~怎麼沒有肉都是青菜！！那時候飢荒得要命，什麼死骨頭嘛想未嘎bo落去！
回覆刪除Arkun 桑：請問那個電扇在轉嗎?看阿嬤穿的衣服，應該不需要電扇吧?或是吹食物讓它早一點散熱?實在是足彭湃A啦~~咬鬼銀那??流嘴nua~~~
a-yi,你个阿嬤可能較有錢，銀角仔予你賺。阮阿嬤那叫我去買物件，找返來个錢我嘛是攏乖乖仔交返去予伊。
回覆刪除karla,你个呵咾予我尚歡喜！你講个故事予我想到一句話說：大魚大肉，亦著菜甲。
EIKO,彼台電風是阮阿公咧用个暖風扇，我袂記得彼當時敢有咧轉。阮兜過年攏差不多有十八，九个人吃飯，所以菜嘛愛傳較濟咧。
逐家用台文來回應實在真趣味，我會閣繼續來練習寫。
阿嬤拜青超真罡溫齁
回覆刪除