餘音

我的部落格， 2005 - 2019，請安息。


在某個層面上，可以埋了它我感到鬆了一口氣。


曾經那個對著未知的虛擬空間交心的時代早已過去，無畏的心境裸露現在回顧只覺得不堪回首。


最早熱衷於部落格發表時所拍的無趣構圖、失焦相片，當時天真的喜悅現在感到羞赧不已。


偶而專業知識科普化的寫作，由於部落板的匿名性質，曾經被抄來抄去，讓我困擾不知所措。


不悔的是當時每一篇文章下面，朋友們的回應、聊天、真誠的交流，日積月累下建立的同儕情誼。


不悔的是臥虎藏龍的網友們，拓展了我的知識面，刺激了我的思考，豐富了我的生活，許多網友後來成了真正的知交。


這一、兩年來，當年網海無邊中偶而聚合的網友們，竟然也開始了專業層面上的合作，著實始料未及。


樂多，樂多，惠我良多。雙餘館功成身退，幸甚！幸甚！

葬禮的音樂

歌仔戲裡，苦旦唱哭調時，鼻音濃重，彷彿真的哽咽淚下，牽引著觀眾的情緒也為之哀苦不已。小時候我曾經跟著祖母去弔喪，只見祖母在靈位前吟詩般的「哭」了一陣子，我年紀雖小，也知道那不是真的哭，而是一種儀式。我因此一直有疑惑：一個人在極大的悲哀情緒中，難道真的可能邊哭邊唱嗎？抽泣、哽咽、嚎哭，不管是哪一種都讓人上氣不接下氣，要同時吐吶發聲，生理上應該很難作到。

或許是因為這樣，像「孝女白琴」這種職業哭喪、號喪者（ritual lamentation）就應運而生。哭喪者一面為死者家屬盡哀，另一方面，如果「哭得好」，應該也可以起個帶頭的作用，引得眾人鼻酸，同聲一哭。

哭喪究竟何時開始與音樂結合？恐怕史料茫渺，難以求索。唐人小說〈李娃傳〉裡，鄭生遭李娃設計，流落街頭乞食時，被喪葬業者秘密訓練成了個哭喪的歌者，當他登台時：

俯仰甚徐，申喉發調，容若不勝。乃歌《薤露》之章，舉聲清越，響振林木。曲度未終，聞者歔欷掩泣。

〈薤露歌〉、〈蒿里曲〉是兩支經常在喪禮時演出的曲子，歌詞都在感嘆人命不永，如果再加上哀怨百轉的曲調，淒楚欲絕的歌聲，那就難怪連旁觀者都要歔欷掩泣了。

我一直都蠻關注喪葬儀式用到的音樂，台灣民間「作師公」的音樂我就覺得特別好聽。曾在惟因買了越南喪葬音樂的專輯，倒是意外的冷靜節制，音樂中沒有太大的情緒起伏。

幾年前我在山東荷澤，第一次聽說了「做三週（年）」、「做十週（年）」這種二次葬的習俗。當地的葬禮，伴隨著很有特色的魯西南鼓吹樂。有時有編制較完整的打擊樂及管樂器，有時只有一支嗩吶、一管笙就可以演出。

　六字開門

葬禮期間的儀式音樂大都淒楚，伴隨著孝子的哀哭，等到出殯後，回程的音樂就是輕快昂揚的。那一次請到的鼓吹樂樂團嗩吶手，曾經獲得政府表揚。請到他的喪家很有面子，這位先生也很賣弄，麥克風調得鎮天價響，本來應該要是遶樑三日的好音樂，結果是魔音穿耳鬧得我得捂起發痛的耳朵，實在無法從容聆賞。

今年十月底在紐奧良，聽了一場爵士講座，講者提到紐奧良爵士的葬禮音樂也有相同的結構。出葬時輓歌哀絕，回程則有輕鬆歡快的氣氛，在爵士樂上稱為 second line。那天樂團現場示範的輓歌，真是如泣如訴，黑管旋律拉扯著皮膚，吹起了我一身的雞皮疙瘩。
 

過了兩天，路過巿中心教堂，看見一大群著制服的警員列隊站在教堂出口，還有兩輛靈車停在門口。出來了一批西裝革履，面容嚴肅的人們，我腦中轟然一響：「難道真讓我遇上了紐奧良的葬禮嗎？」但等了半天，愈看愈覺得這葬禮看起來比較像電影《教父》裡會出現的場景，罹難的警員出殯（黑道火拚嗎？），地方政要出席致意，誓言打擊犯罪....

過了一會兒，音樂響起，竟是制服警員背著風笛吹奏Amazing Grace。（這...又是哪部電影的情節啊？）雖然很有氣氛，但卻不是傳統的爵士葬禮音樂，我不免感到遺憾。於是回家後，我就自己去找了紐奧良葬禮的影片來看，酣暢淋漓的聽了一整個晚上，以下挑了兩支片子來呈現second line的情形。

第一場是一位爵士女歌手Juanita Brooks的葬禮，影片2:45處開始，有很精采的葬禮遊行，親友的載歌載舞。然後自4:43處，悲傷的音樂一變而為快板的舞曲。



第二場是一位tuba樂手的葬禮，演出的曲子是經常在紐奧良葬禮出現的A Closer Walk with Thee，除了部分參與的親友樂舞之外，連扶柩的人也隨著旋律把棺木晃得好像下一秒就要丟出手一樣。



看／聽完這種爵士樂葬禮，胸懷難免激盪。死別傷逝，我輩凡人豈能無感？但哀哭之餘，如能有樂音之美施予救贖，悲慟的人必得安慰。

徛佇田中央

日頭赤炎炎的熱天，我和朋友來到淡水殼牌倉庫看良一的攝影展。偎晝的時間，自車站出來，一港燒氣對面衝過來，實在足無想欲離開有蔭的所在，行出去日頭跤。朋友佮伊的外甥仔仝齊來，十歲的囡仔，若像無塊驚日頭，歡歡喜喜就欲過街路。顛倒是阮兩个「老小姐」，雨傘夯咧，帽仔戴咧，干焦想欲較緊行入去有冷氣的所在。行到展覽的倉庫外口，看著一張宣傳的看板，畫面當中是一位坐佇田底的作穡人的尻脊骿。相片雖然是烏白的，但是我看著彼塊拄仔對土跤搝出來的一大塊薑仔，就知影邊仔的土應該是紅色的，這是八卦山台地土壤的色水。而且彼个尻脊骿，就是佇田裡毋知經過偌濟年的向腰、日頭曝、雨水淋，才會安呢看起來若像磨過的石板仝款金滑金滑。作穡人毋管天氣安怎變化，攏愛配合種作的穡頭來出門，才無像阮即款去予文明寵歹去的人，傷過貴氣，到家已有淡薄仔歹勢的程度。 

 行入去倉庫，門一開開，就鼻著稻草的芳味。「徛佇田中央」的展覽原本是計畫欲共相片囥佇割稻仔了後的田底，逐家通好行落去田中央來看相片，體會作穡人的「跤踏實地」。毋拘聯絡上無真順利，後來只好「共田搬來展覽場」。良一去訂一批稻草，摠草摠好來tshāi佇土跤。在我看起來，安呢的安排毋若是展出照片，本身嘛是一種「裝置藝術」，而且閣有教育的作用。聽講真濟囡仔看相片才知影米佇田底生作啥款，朋友的外甥仔看著彼盒粟仔，嘛用華語講：「我有看著彼有『飯』。」 

 其實我嘛仝款真愛翕佇田裡種作的作穡人。不過我歹勢共鏡頭對生份人翕相，定定是偷偷仔、遠遠仔翕。良一捌共我講過，拄著想欲翕的鏡頭、人物，毋通攏翕人的背影，應該親身去佮怹熟識，puânn-nuá 交朋友，予人歡喜甘願入你的鏡頭。我看伊展出的相片，確實攏是逐家面對鏡頭，毋是「偷翕」的。伊毋是像打獵的人看著飛鳥走獸夯槍就拍、嘛毋是像一寡仔人共作穡人當作鄉土、懷舊氣氛的代表，干焦注重畫面的情調，對畫面中的人攏無尊重，良一是真正佮對方當作熟識的朋友仝款來翕相。 

 我推薦逐家去看伊的展覽，毋是干焦因為伊是我的朋友、員林鄉親，嘛毋是干焦因為伊的相片本身（相片當然真讚！），是因為我知影翕相的人是一位疼惜土地、尊重生命、溫馴有正義感的好人。

站在田中央攝影展 展出時間：2012.8.4—2012.9.2，每日09:30-17:30，周一休館 

展出地點：淡水殼牌倉庫C棟(新北市淡水區鼻頭街22號，捷運淡水站東側後方)

 http://goo.gl/maps/aapC 

 http://blog.roodo.com/avant1997/archives/20030596.html

記持六根

即篇刊佇《台文通訊Bong報》第215期（2012年2月），五千外字，我貧惰寫華語對譯矣，搭出來予有緣人讀就好。 

－－－－－－－－

阮媽媽七十外歲，有當時仔伊自客廳走到灶跤，會雄雄袂記得伊本來是欲去創啥。拄著即个情形，伊就會家已細細唸：「這馬愈來愈無頭神矣。」

其實我真懷疑，記持敢真實是貯佇頭殼內？佛經講眼耳鼻舌身意是「六根」，六根不淨的人一定是因為有太濟記持貯佇目睭、耳孔、鼻仔、喙舌、身軀之中，毋甘放袂記。這款的記持，「存檔」佇身軀內，無法度編輯，無法度copy寄予別人，嘛無法度印出來，只有輸入正確的六根密碼，將檔案解秘，記持才會重新展開。

有一種六根的記持密碼就是正確的溫度。   

我的朋友阿娟講，決定一甌茶抑是咖啡好啉歹啉的原因，毋是干焦茶佮咖啡留佇喙底的芳，抑是入喉了的回甘，嘛和水的溫度有關。咱的身體有伊尚佮意的溫度，茶、湯若是拄好佇這個正確的溫度，啉落去咱就感覺尚舒適。  

我的身軀確實有伊會記得的上合意的溫度。有一年我家已一人佇北歐旅行，拄著無順利的代誌，烏陰霎雨的天氣予我心情愈鬱卒。第二工早起佇飯店呷早頓，有真濟hamù、tshíjù、麭、佮豉的鹹魚仔，種種的菜色真豐沛。我泡一甌茶囥佇邊仔，呷到一半捧甌仔起來啉茶，一啉落去隨感覺有一港燒氣通過五臟六腑，tsuânn感覺精神振作，心情恢復輕鬆。彼甌茶若是拄仔泡好就燒燒仔啉，未必然會有仝款的效果。一定是因為茶的溫度降落來到正確溫度，才會若像啉仙丹仝款，歸仙人舒適清爽。   

我蹛佇半山坪，一年四季分明，寒人熱人攏照氣象預報來決定安怎穿衫，對溫度的變化並無特別的感想。但是每年總是有幾工暗時的溫度加較特別。差不多佇立夏以後，芒種進前，抑是秋分過了，白露未到的中間，暗時溫度會較低。若是盈暗穿短手䘼仔出門，皮膚拄著冷涼的空氣，毛管孔會強欲起gàn。即種的溫度就是密碼，收著密碼，幾若年前一个熱天暗暝的記持就會對我的毛管孔鼢出來，若像彼種佇土跤底生活十七年，拄著土壤維持佇正確的溫度，才會鼢出來羽化的十七年蟬。   

彼陣我蹛佇美國的庄跤所在，暗時恬靜，沒啥乜汽車的聲，干焦有聽著草埔內面杜猴咧唱歌。路邊嘛無遐爾仔濟的電火柱，會當看著天頂釘點釘點攏是星。我和伊佇鼻會著樹葉草芳的大草埔散步，草埔兩爿種的是一款發佮真懸、但是袂當呷的栗子樹。懸懸的樹仔頂閃閃熠熠，攏是火金姑，看起來若像大欉的聖誕樹。   

彼是我佇美國的上尾一年，彼暝的空氣就是即款涼佮強欲起寒的溫度。見擺我的皮膚若拄著即種gàn人的溫度，甚至猶袂想起往過的彼個人，就會先引起莫名的、淡薄仔稀微的心情。   

熱天的溫度嘛會引起一種氣味，予我想起細漢歇熱，返去蹛佇庄跤阿嬤遐的時陣。熱天日頭méi，割稻仔了後拄好會使倒佇粟仔埕來曝，粟仔曝燒了後鼻起來就是粗糠味。到下晡粗糠味愈重，日頭嘛曝佮人強欲起刺疫，漸漸東邊的天頂雲就會愈疊愈厚，色嘛若去潑著墨水仝款愈來愈深。照阮媽媽的講法，彼就是咧「激雨」。我聽著「激」即字攏會想著「激酒」的激，「激雨」可比是烏雲內面會發酵、滾絞，連鞭就會激作西北雨降落來。猶咧激雨的時， 空氣翕熱，袂輸坐佇籠床內面。土跤曝佮燒燙燙，褪赤跤踏著會痛的程度。四邊恬tsítsì，連蟬就貧惰出聲。毋免閣偌久，雨就滴落來矣，曝粟仔的人就愛較緊將大塊的帆布展開給粟仔蓋被，才袂予雨沃澹去。有當時仔，tshim滴落來的雨滴無大，滴落土跤嘛無聲。毋拘，冷冷的雨滴滴佇燒沸沸的土跤，雖然袂「嘁」一聲熗煙，不過會「激」出一種若拄仔剖開的西瓜的味。若是點仔膠路曝了無夠燒，就鼻袂著即種西瓜味。只要鼻著即種味，毋免看窗仔門外，我就知通歡喜激雨成功矣。這，嘛是愛有正確的溫度才會解密的氣味記持。   

有時仔咱猶袂想起記持的內容，收著六根密碼的身體已經先受著記持連帶的情緒影響，有所反應。像法國作家Proust，伊的記持特別幼膩。怹外嬤過身了後，伊一時並無特別的悲傷。過足久，有一擺ànn落去穿鞋的時，伊的目屎煞雄雄liàn出來。因為手指頭仔搝著鞋帶的感覺，予伊想起細漢的時怹阿嬤教伊安怎縛鞋帶的情形，自安呢才將猶未好好仔為阿嬤致哀的悲傷作一下發洩出來。   

當然伊尚出名的密碼藏佇嘴舌尾，拄著madeleine點心佮花茶的組合才會解密。所以伊一啖著浸過花茶的餅，怹阿姨的厝佮花園就按呢對茶甌仔浮出來，親像舞台的背景，怹過去蹛的彼條街、伊細漢不時去散步的廣場，連歸莊的環境、庄跤路、公園的花佮教堂攏一幕一幕放出來。我咧想，彼甌花茶凡勢嘛愛有正確的溫度，才會當解密即段記持。   

正確的氣味會引起思念故鄉的心情，我嘛真瞭解。猶蹛佇國外的時，見擺鼻著蔥仔味，攏會想起阮媽媽起油鼎，切蔥仔落去芡芳的灶跤、全家同齊呷飯的情形。後來聽著客家歌手林生祥唱〈臨暗〉，描寫失志的遊子尾暗仔思念故鄉，真想欲閣鼻著灶跤煎魚炒菜的芳味，彼陣我就感覺這個寫詞的鍾永豐有夠厲害。  

因為有溫度、芳味、聲音抑是其它的六根密碼來加深印象，記持內容才會更加生動。若是無遮个感官經驗，袂記得的代誌抑是體驗就較僫恢復。   

有一種人記持特別好，華語講是「過目不忘」，英語講"Photographic memory"，袂輸怹的目睭是翕相機，看過的人事物攏若像相片翕入去佇腦中。這馬有足濟電子產品會當輔助咱加強記持，像數位相機、錄音筆等等。往過翕相真希罕的時，拄著結婚、畢業、入伍作兵即款重要場合才有翕相留作紀念。這馬數位相機真普遍，翕相的內容加真濟。像講這馬的爸母為怹的細漢囡仔翕相、錄影。不管是吃飯、睏眠、tshit-thô、抑是啼哭，攏加減翕幾張。我有一暫仔嘛仝款，出門隨身紮相機，拄著花鳥、樹草、蟲豸攏先翕入來鏡頭，真驚漏勾趣味的形影。彼陣我若像孫悟空提著太上老君的葫蘆，對準人一喝聲，應聲的人就會予我的葫蘆仔吸入來，有夠利便。毋拘，有一工我才發現，用相機翕起來的風景並無一定就印象較深。

像彼个熱天的下晡，我和朋友作陣騎車出去耍，彼工拄好是夏至，日頭尚長的一日。阮騎過草埔仔邊彼段落崎路，兩爿的鳳凰花開佮歸樹若像焯火。日頭篩過紅色的花、綠色的葉，光影照佇磚仔路頂面，風吹過枝葉，土跤的影若像浮佇水面流來流去。我看著眼前的光景，歡喜佮「啊～」一聲叫出來。同時心內有夠後悔，怨嗟家已袂記得紮相機出來，無通共這景共伊翕起來。其實有翕起來的形影、風景，定定囥久就袂記得，若像吸入去葫蘆內面的人，一時仔就化作清水。顛倒是我用目睭翕起來的鳳凰花，到今猶色緻青青青。彼工下晡，無論是日頭斜照的角度、草埔予日頭曝過的氣味、鳳凰樹開花的色彩、抑是空氣清明的程度，攏是只有佇六月熱天才會出現的組合。我想，記持中摻愈濟六根的印象，就會愈清楚。

不過，在六根之中，逐家若像較重視影像的保存。雖然錄音的技術平仔真進步，但是罕的有人想欲保存聲音，這予我感覺真奇怪。我這馬若是去翻舊相片，看著已經過往的親情，會想講當初若是有共外公、外嬤的聲音錄落來，這馬阮就會當聽怹的聲音，懷念怹猶佇世間的情形，安呢敢毋是足好？有一擺佇台南府城的街路，雄雄聽著一間廟仔的人拄仔咧唱請神呪，音樂旋律足好聽，彼陣嘛有一種想欲共錄落來的衝動。這幾年來，我出門旅行嘛真愛紮錄音筆，錄一寡仔心適的環境的聲音。像佇捷克皇宮附近的山坡頂，一間咖啡廳有樂隊演奏、遊客啉咖啡、開講的聲音，錄落來過幾若個月閣再聽，就會想起當時渡假清閒的氣氛。

雖然，人活佇世間總是無可能逐項代誌攏記錄。尤其是進入網路時代了後，各種的知識、資訊量大爆炸，人的記持容量煞強欲盡磅。親像電腦的記憶體，檔案傷大無法度存檔，就愛先將一寡仔較無重要的檔案刪除，抑是另外囥佇較無遐捷用著的所在，暫時封存。不過，若是記持的密碼袂記著、拍毋見，抑是密碼的組合毋捌閣再拄著，安呢彼段過去會若像鎖匙拍無去幾若十年的一跤皮箱，一世人無法度閣打開。你明知影內面有物件，但是到底有偌濟物件？是啥乜物件，印象煞愈來愈茫霧矣。

我讀英國作家石黑一雄的冊《毋通放我走》（Never Let Me Go），真合意一段情節。故事內面的少年囡仔攏相信，若是物件拍毋見抑是朋友失去聯絡，只要去一个叫做Norfolk的所在就會揣著。所以若是有真寶惜的物件拍無去，ka̍h安怎揣就揣無，咱嘛毋免過頭絕望，因為總是有向望有一工會佇Norfolk閣拄著真久沒看見的彼項物件、真久沒見面的彼个人。

對咱的記持中消失的人、事、物，敢嘛有一个像Norfolk彼款的所在通去？若是有，我kam敢去？放袂記得的代誌，敢毋是因為咱的下意識選擇無愛保留矣，才放予伊去？若像一口古井，真久沒去汲水，加減會有漉糊糜沉底，若是刁工欲共淘出來，恐驚會淘出一寡仔真癩疴、不堪回首的過去。

所以，中國的傳說講人欲投胎進前，愛先去啉一喙孟婆湯，將前世的一切攏予袂記。毋肯啉的人會予鬼卒仔夯鈎刀共跤鈎牢，予銅管插入去嚨喉，硬給灌予伊啉落去。逐家聽即段攏叫是孟婆湯偌恐怖。其實安呢故事干焦講一半，孟婆湯啉落去，雖然會袂記得前世，不過伊另外的效果若像補品仝款。後世人若是作善事，閣會予人的眼耳鼻舌四肢，愈靈活愈強健。我感覺即个故事足有哲理，人若過頭留戀過去顛倒傷濟罣礙，啉孟婆湯才會當六根清淨，進入新的輪迴，閣會目睭耳鼻嘴舌加真利，正港重新作人。

我咧想，孟婆湯若是會當改良一下，啉落去會使將痛苦的記持攏洗清氣，閣互六根靈敏，安呢我甘願定期給當作補藥湯來啉幾喙。

只可惜，就算會當改善家已的記持。嘛無法度改變我真僫予人有印象這種的無奈。我定定拄著一種情形，就是和某物人熟識了後，第二擺見面，對方已經完全袂記得我。我攏愛將初初見面的情形閣給伊提醒，人才小可仔想會起來。有當時仔明明佮我見過兩、三擺面，嘛講過話交換過名片，但是人就是記袂起我是誰。等到講會清楚了後，怹真歹勢，我煞也真礙謔，袂輸較失禮的人是我。即種狀況拄了傷濟擺，我家已加減會嫌疑，犯勢毋是別人的記持䆀，是我蓋無特色。我留予人的印象，若像粉筆寫佇黑板，一時仔囝就霧去。

定定予人放袂記得，確實予我感到真受傷。總是，咱毋是驕傲的人，認定逐家攏愛知影我是誰。加減自我排解，結論就是我平常傷恬靜，袂愛講話、袂曉唱歌，生了無特別媠䆀，嘛罕的發表啥乜驚人的議論，攏無六根印象來幫贊，欲予人熟識確實有較僫。 但是向望別人會記得家已（或者是，至少莫一時仔就袂記得），牽涉著咱對家已價值的認識，是真根本的一種需要。即種心情，我佇咧看日本的báng gā（漫畫）《二十世紀少年》的時，特別有感觸。

《二十世紀少年》內面彼位一直予人臆袂出身份的「朋友」，雖然逐家攏知影可能是主角健兒（賢次）怹細漢的同窗，但是確實是佗一位，無人臆會出來。作者佇沓沓解密的過程中，咱才知影彼是自細漢就予健兒怹的小箍仔朋友排除在外的定清、福平佮勝保。即三个人連紲佇「朋友」的身份中，無因無端作盡歹代誌，目的若像只是欲佮囡仔時代的死對頭拚輸嬴。為啥乜健兒个這幾个同窗會用遮濟精神舞即齣世界大滅亡的任務，原因作者其實一直攏有暗示。

福平其實名叫做「服部」，是一个真巧、真優秀的囡仔。但是逐家攏給伊的名叫毋著，叫做「福平」；不管伊安怎抗議，嘛是改袂過來。伊曾經真希望加入健兒的朋友箍仔，但是去予怹拒絕。自安呢心生怨恨，想欲報仇。另外一位定清是一个真軟汫的囡仔，定定予人欺負，無人欲合伊耍。伊不時攏戴一頂小鬼壳仔，去匿佇厝頂，講是咧合外星人通訊，希望有一工會當合外星人來作朋友。第三位勝保，嘛是掛一頂小鬼壳仔，定定綴佇服部的尻川尾，大家對伊的印象嘛足淺，甚至謠言講伊已經死矣。故事當中，健兒怹遮个同窗，煞強欲無人會記得曾經有定清佮勝保即兩位同窗的存在。即兩个攏是真希望予人肯定、接納的寂寞囡仔，因為得袂著同窗的友情，煞來行去歪路，造成全世界的災禍。看到遮，我感覺足心酸。想欲予人「會記得」的心情，干礙是遮爾仔大，我想真濟人並無瞭解。

無人會記得家已等於是自我存在的意義予人解消，已經真使人悲傷。閣較令人絕望的，是連家已是啥乜人就記袂起來。這毋是華語的「忘我」彼款全神貫注的意思，是佇二十世紀才予人揣出病因的失憶症。致著這个症頭的人會慢慢仔失去語言能力佮記持。若是老人致著，通常就是俗稱「老人癡呆症」的Alzheimer，細漢的時看阮外公定定戇神戇神，袂認得家已的子孫，有時仔閣會大小便失禁。聽大人講伊「老頽」、「老番顛」，叫是彼是自然、正常的代誌。後來看家庭的錄影帶，發現阿公少年的時嘛是精神勇健、行路有風，彼陣顛倒感覺彼毋是我熟識的外公。

咱看著家已的親人慢慢仔老去、戇去，無能為力嘛只有傷心的接受。不過，致著失憶症的人，怹敢知影家已有病？流失的記持，是真實「無頭神」完全一片空虛，抑是新的舊的記持攏絞絞作伙？咱看失憶的病人感覺心頭悲傷，但是怹敢有一絲絲仔悲哀的情緒？怹敢毋是已經退返去紅嬰仔時期的心智，只要呷飽睏飽，熱天吹涼、寒天穿衫，照顧好尚根本的六根需要，其他个，管伊是家庭經濟、囝兒事業、怹已經無感覺嘛袂有感覺矣。總是，咱對親人的感情深重，對怹的無感咱猶是傷感，六根清淨用講的簡單，真正作會到的有幾个人？

燈仔花

燈仔花是我自細漢就定定看著的花，讀國校仔的時行路去學校，會經過一逝燈仔花籬仔，花開的時，我和囡仔伴會共挽落來嗍花蜜，嘛會共花鬚掣落來黏佇鼻頭耍。但是我並無真合意燈仔花，總是感覺伊的紅足粗俗的款，閣四界攏有種有khuain，無像玫瑰花遐爾仔貴氣，一支一支賣閣貴蔘蔘。所以有人送我一盆燈仔花的時，一開始我實在無真歡喜。燈仔花，英語叫做hibiscus，我彼欉是我tshim搬宿舍的時，T送我的盆栽。彼陣我是研究生，較無錢，我和蹛作伙的室友為著欲省電費，寒天甘願穿較濟衫，嘛毋甘給燒氣的溫度調較懸。有一年我返來台灣過年，等我放假了閣返去宿舍的時，一入門就感覺足寒的。彼年寒天下大雪，而且我的室友大部分的時間去佇實驗室，厝內就給燒氣溫度設佇尚低。我看著燈仔花葉仔變足少、閣黃黃，緊給燒氣開真強，想欲予伊恢復活力。無想著第二工早起起來，發見昨暝燈仔花賰的遐的黃葉仔竟然落落來、歸欉強欲蔫（lian）去。我驚一趒，毋知欲安怎才好。我想可能是進前傷寒，燈仔花已經冬眠矣。等我返來，室溫調懸，一工之內雄雄溫度自寒天變作熱天，即款三溫暖，原本蹛非洲的燈仔花beh呔會堪得？彼擺我的燈仔花實在是元氣大傷。佳哉燈仔花雖然是熱帶的植物，伊真韌命，佇即个奇怪的美國寒天，嘛是閣活返來。我看燈仔花佮我仝款，我即个台灣來的囝仔飛來美國讀冊，經過環境的大變化，雖然一時的衝擊有較厲害，總算是猶擋會牢，嘛是「歸欉好好」。 

自彼擺了後，為著欲予伊曝較濟日頭，我逐工給盆仔搬來搬去，去tshāi佇窗仔跤曝會著日頭的所在，我攏笑我的燈仔花若像神話當中的夸父，愛逐日頭走。彼陣我逐工共沃水、曝日頭，閣用手去搓去摸，將對T的感情徙一部分來予燈仔花。開春了後天氣愈來愈溫暖，伊就漸漸恢復生機矣。不但恢復，閣發佮真好，葉仔油光油光，花蘡嘛一直茁（puh）出來，有時仔一工會當開五、六蕊花。 

我真合意看燈仔花的花蘡，尤其是伊得欲開的前一、兩工。花蘡會愈發愈長，紅色的花蕊捲作尾溜尖尖，袂輸一支綠色筆管、紅色筆尖的毛筆。欲開的彼一工，筆尖會若像閉思的少女先沓沓仔探頭出來，漸漸才大方展開伊妖嬌的紅裙。風若吹，花枝微微仔搖，花鬚向外彎蹺來餳（siann5）人，親像美女的手勢。就連花開煞，伊嘛猶保持一種優雅的姿勢；頭殼雖然頕垂（tàm-suê），花邊裙略仔皺（jiâu）去，彼款派頭閣親像拄仔對舞會跳舞返來的紅舞星。 

後來燈仔花欉發佮到我的胸坎仔遐爾仔懸，已經是一欉小樹仔。其實應該愛給伊換盆仔，但是我彼陣嘛袂曉照顧，就隨在伊去發。到熱天我會將變佮真重的盆仔用拖的，拖出去門口曝日，單純想欲予伊發較媠咧，無想著嘛會去引起厝邊的欣賞、注意。 

有一工，有一位穿印度紗麗的太太過來挵門，伊問我敢會使予伊一蕊紅花。伊講因為伊彼工愛拜神，拜神一定愛用紅色的花。拄好看著我的燈仔花，所以想講來討看覓。我想袂到我種的燈仔花有這款的路用，非常歡喜，就入去灶跤夯鉸刀出來，將開佇尚懸枝的彼蕊花剪落來送伊。印度太太說謝了，就夯彼枝花返去矣。等到伊離開了後，我才想著，我的燈仔花從來毋捌趁鮮挽落來，攏是予伊佇枝頂花開花謝，今仔日第一擺剪花，竟然是獻予一个我無熟識的外國神！ 

為啥乜愛用紅花拜拜，這我到這幾年才有體會。因為作民俗研究的關係，知影紅色佮綠色攏是代表生命活力的色，嘛是民俗宗教上常常用的色。紅花搭綠葉是真活跳跳的色水，因為燈仔花有活力，所以會四界生湠，人定定看著會siān就講伊足倯（sông）。過去我講燈仔花倯，實在是我無智識，太冤枉伊囉。 

陪伴我留學幾若冬的燈仔花，佇返來台灣進前送予朋友的媽媽。朋友的爸母時常出門旅行，毋知我的燈仔花是毋是有受著真好的照顧。拄仔返來台灣的時，佇寒天十二月猶看著歸牆圍仔的燈仔花開佮真媠，彼種感覺真奇妙，會予我想起平仔是十二月天，我的燈仔花佇美國寒天受著的艱苦；嘛因為安呢，想起小王子佮伊的玫瑰花。 

別人的燈仔花較安怎媠，嘛佮我沒關係，因為怹毋是我的。我的燈仔花是我共伊沃水、落肥，徙來徙去曝日頭，搬出搬入搧（siàn）涼風，我捌看過伊垂頭失志，嘛看過伊花開滿枝，因為伊是我的燈仔花。

［華語對譯］ 

 燈籠花是我從小就常常看見的花，讀國小時走路去學校，會經過一排燈籠花籬笆，花開時，我和童伴們會把它摘下來吸花蜜，也會把花蕊扯下來黏在鼻頭上玩耍。但是我沒有很喜歡燈籠花，總是感覺它紅得很俗氣，又到處有人種、到處看得見，不像玫瑰花那麼高貴，一支一支的賣還很貴。所以當有人送我一盆燈籠花的時候，一開始我實在沒有很高興。 

燈籠花，英文叫做hibiscus，我那欉是我剛搬宿舍的時，T送我的盆栽。那時我是研究生，比較沒錢，我和住在一起的室友為了要省電費，冬天寧願穿很多衣服，也捨不得把暖氣的溫度調高。有一年我回來台灣過年，等我放假後再回去宿舍時，一進門就感覺很冷，那年冬天下大雪，而且我的室友大部分的時間去實驗室，家裡就把暖氣的溫度調到最低。我看著燈籠花葉子變得較少、又黃黃的，趕緊把暖氣開得很強，想要讓它恢復活力。想不到第二天早上起來，發現昨晚燈籠花剩下的那些黃葉子竟然掉落下來、整欉快要枯萎了。我嚇了一趒，不知道該怎麼辦才好。我想可能是先前太寒冷，燈籠花已經冬眠了。等我回來，室溫調高，一工之內忽然溫度從冬天變作夏天，即種三溫暖，原本住在非洲的燈籠花哪裡受得了？那次我的燈籠花應該元氣大傷。不過燈籠花雖然是熱帶的植物，在這個奇怪的美國冬天，還是又活過來了。我看燈籠花和我一樣，我這個台灣來的孩子飛來美國讀書，經過環境的大變化，雖然一時的衝擊比較厲害，總算是還挺得住，還是「歸欉好好」。 

從那次以後，為了要讓它曬比較多陽光，我每天把盆子搬來搬去，去放在窗邊曬得到太陽的地方，我笑說我的燈籠花好像神話當中的夸父，要追著太陽跑。那一陣子我每天幫它澆水、曬太陽，又用手去摩挲，將對T的感情移一部分來給燈籠花，開春後天氣愈來愈溫暖，它就漸漸恢復生機了。不但是恢復，還長得很好。葉子油亮油亮，花苞也一直冒出來，有時候一天可以開五、六朵花。 

我很喜歡燈籠花的花苞，尤其是它將要開的前一、兩天。花苞會愈長愈長，紅色的花瓣捲成尾端尖尖的，好像一支綠色筆管、紅色筆尖的毛筆。花要開的那一天，筆尖會好像害羞的少女先緩緩的探頭出來，漸漸才大方的展開它妖嬌的紅裙。風一吹，花枝輕搖，花蕊向外彎曲來誘人，好像美女的手勢。就連花開完了，它也還保持一種優雅的姿勢，頭雖然低垂，花邊裙稍微皺（jiâu）了，那種派頭又好像剛從舞會跳舞回來的紅舞星。 

後來燈籠花欉長到我的胸前那麼高，已經是一欉小樹了。其實應該要幫它換盆子的，但是我那時候不懂得照顧，就隨便它去長。到了夏天我會將變得很重的花盆用拖的，拖出去門口曬太陽，單純想讓它長得更漂亮，沒想到也有鄰居會注意、欣賞。 

有一天，有一位穿印度紗麗的太太過來敲門，她問我可不可以給她一朵紅花。她說因為她那一天要祭祀，祭神一定要用紅色的花。剛好她看到我的燈籠花，所以想來要看看。我沒想到我種的燈籠花有這種用途，非常歡喜，就進去廚房拿剪刀出來，將開在最高枝的那朵花剪下來送她。印度太太道謝後，就拿著那枝花回去了。等到她離開了後，我才想到，我的燈籠花從來不曾趁新鮮摘下來，都是任它在枝頭花開花謝，今天第一次剪花，竟然是獻給一位我不認識的外國神！ 

為什麼要用紅花祭祀，這我到這幾年才有體會。因為作民俗研究的關係，知道紅色和綠色都是代表生命活力的顏色，也是民俗宗教上常用的色彩。紅花搭綠葉是很有生命力的顏色，因為燈籠花有活力，所以到處會生長，人家常常看到會生厭，就說它很「俗」。過去我嫌燈籠花俗，實在是我沒知識，太冤枉它了。 

陪伴我留學好幾年的燈籠花，在回來台灣之前送給了朋友的媽媽。朋友的父母時常出門旅行，不知道我的燈籠花是不是有受到很好的照顧。剛回來台灣的時，在冬天十二月還看到滿圍牆的燈籠花開得很美，那時感覺很奇妙，會想起一樣是十二月天，我的燈籠花在美國冬天所受的艱苦，也會想起法國的《小王子》和他的玫瑰花。 

別人的燈籠花再怎麼美，也和我沒關係，因為他們不是我的。我的燈籠花是我為它澆水、施肥，移來移去曬太陽，搬進搬出吹涼風，我曾見過它花開滿枝，也見過它垂頭喪氣，因為它是我的燈籠花。

雜錄2011－1

有些東西寫過就忘了，又不好搜尋，以後就不定期剪貼在這裡。

阿叔講以前無人咧賣粽葉仔，五日節阿嬤縛粽進前，怹攏愛去刈粽葉，用一款帶剾刀仔的竹篙去剾返來，洗洗咧通好縛粽。我感覺奇怪，明明用的是粽葉，為啥物阮自細漢就講「粽箬仔」？

拄仔看著社區內面有一陣親子提手電仔佇樹仔跤看拄leh褪殼的蟬，就綴去鬥鬧熱。褪殼可能真食力，愛用一、兩點鐘，而且褪殼的時蟬的頭殼是倒吊向土跤，等到殼全部褪了，猶閣愛反輦轉（péng-liàn-tńg）。最後一手工夫，蓋成搶孤的「倒翻棚」，需要體力佮技術的配合。我以前嘛捌佇日時看過褪殼褪一半的蟬，因為伊真久攏袂震袂動，自安呢放棄無閣企咧等。嘛捌用相機翕過一張蟬褪殼一半就死去的相片。這馬想起來，彼應該是激力過頭死的。蟬褪殼可能佮查某人生產仝款，「拚會過，雞酒芳，拚袂過，四塊板。」 May 31 at 9:54pm 

剛才看到社區裡一群親子拿著手電筒在樹下觀察正在羽化蛻殼的蟬，就湊上去看熱鬧。蛻殼可能真的很耗體力，得花上一、兩個小時，而且蛻殼而出時蟬是頭朝下，等全部蛻了，還得來個直立翻轉。最後這道工夫，很像搶孤時的「倒翻棚」，需要體力和技術的高度配合。我以前曾在大白天看過羽化了一半的蟬，因為它僵直不動很久，就放棄不看了。相機也曾拍過蟬蛻了一半就死了的例子，現在回想起來，那應該都是力盡而死的，蟬蛻可能跟生產一樣，「拚會過，雞酒芳，拚袂過，四塊板。」 May 31 at 9:43pm · 

［與時俱進的月下老人］這是剛才聽說的，聽說有某月老，不只可以找祂求紅線牽姻緣；也提供藍線，讓gay and lesbian都能找到有情伴侶。這實在太酷了，有誰知道是哪家廟的月老這麼先進，我一定要去調查一下。 May 31 at 9:01pm · 

那天聽到New Yorker與作者的訪談，很驚訝的想著：OMG, Margaret Atwood is right! Chickie-nob就要成真了。 Test-Tube Burgers and Other Meat from Labs May 30 at 10:59pm 

今天終於吃到了慕名／垂涎已久的台東聖母醫院的修女祈福蛋糕。每年母親節我們總是絞盡腦汁的要找新奇的蛋糕來過節，很習慣看到蛋糕上面有奶油、水果、巧克力，夾層有果醬、芋泥、布丁、蜜餞等等花俏的組合。今天吃到了很誠懇的修女祈福蛋糕，嚐到了蛋糕該有的蛋香、麵粉香，很感動。我愛這樸實的滋味。吃蛋糕還可以贊助聖母醫院，一舉兩得。以後我要說服我們家人，過節慶生都來訂這種愛心蛋糕。   May 25 at 9:51pm ·

明仔載余慈爺公生日，下晡先去踏路草。看著歌仔戲台已經搭十外棚，布袋戲車嘛有幾什台，賣涼水的、賣燒酒螺的，連乞食嘛攏先來占位矣。提早一工去亦是較恬靜，今仔日作的訪問就問著真精采的資料，若是明仔下晡才來，到時作戲的一起鼓，講話愛用喝个，就免想欲作訪問矣。 May 24 at 7:59pm · 

早上泡了白毫銀針，喝起來怎麼很像東方美人茶？查了一下，原來是同一種茶。我想起在坪林遇到的採茶婦告訴我的品種，叫做「毛猴」，看這茶葉上的白毫，得同意這命名還真是生動。 May 24 at 8:23am · 

進前兩工落大雨，拍落足濟檨仔青，落佇土跤看著足毋甘。tann風颱猶未來，打貓又閣起一陣妖風，毋知欲閣掃落偌濟檨仔，有夠拍損。 May 23 at 2:08pm · 

去年朋友去金門玩，在民宿拍了照片回來給我看。我看到那桌上一盤糕點看起來真可口，就問她有沒有嚐嚐味道如何？在哪裡買的？她說那不是真的糕點，是紙塑。昨天我遇到了這位用紙漿和木模作這些紙粿、紙糕、紙餅的年輕人，好好的誇獎了他一番，真的是很棒的創意。  May 21 at 10:20pm 

 早起聽秋田唱的勸世歌「殺子報」，一邊開車，一邊對跤尾一直冷起來，真恐怖。 May 21 at 10:57am · 

「一國領袖公開宣示殺人成功，並且獲得全面的肯定和掌聲」，很詭異的事實。 May 2 at 5:16pm

接下來一個多月，嘉義地區有許多祝壽戲的盛會，動輒一、兩百團以上的那種盛會。看到這種場面，說是曲藝沒落好像也沒有。可是演出時台下都沒有人，要說戲曲興旺也不成立。總之是個怪現象啊。April 19 at 6:45pm 

連日來，大葉桃花心木的彩葉變化精采。走過樹下，既要欣賞樹上的絢爛，又要留心從落葉堆裡撿出顏色很相似的翅果，真是目不暇給。 April 18 at 8:40pm

 ‎[An eco-friendly car]昨晚正要關車門，鎖車時，發現駕駛座有一塊褐色的小石塊。正要俯身去撿起來丟掉，才發現那「石塊」是一隻小蛙。正不知該如何處置，牠一跳跳到副駕駛座底下。我遶到另一側，打開車門想辦法把它趕了出去。看體型顏色像是隻樹蛙，到底是何時進到我的車子的？ April 10 at 6:03pm 

我一直很不喜歡台肯那件寫著「台灣魂」的T恤。人死了、壯烈犧牲了才叫做魂，台灣主體的活力都還不夠旺盛，就先呪它死？ April 8 at 9:27am · 

【正清明】今仔日舊曆三月初三，是古早的上巳節，亦是玄天上帝生日，又閣是新曆四月初五「正清明」。叫做正清明是因為清明有時仔會落佇四月初四抑是初六，若是拄好佇四月初五，就叫做正清明。 April 5 at 9:22am · 

［原來...］平貴走三關回中原的時騎的是紅鬃馬，毋是白馬。 March 31 at 8:44pm

冬節圓仔

冬至，因為寫作冬「至」，所以通常逐家將伊理解作冬天「到位矣」的意思。其實，冬天自立冬彼工開始就到位矣，佇遮的「至」代表「至極」，也就是日頭離咱北半球尚遠，寒天到冬至算是到尚顛峰的時陣，閣來日頭就會對南半球閣沓沓仔返來北爿。

我自細漢聽大人講冬至，從來毋捌懷疑過伊的漢字可能毋是即兩字。一直到幾年前，知影有人寫做「冬節」（tang-cheh），才自安呢改過來。不過，我一直猶有梟疑，因為阮兜唸出來的音實在是較像「冬祭」。到底即工是毋是唸作「冬祭」（tang-chè）雖然猶無確定，但是冬至確實是一个「冬祭」的日子，即工尚重要的是祭祖，也就是咱白話講「拜公嬤」，拜公嬤的時就愛拜圓仔。

《台灣通史》講「臺人以清明為春祭，中元為秋祭，冬至為冬祭，各祀其祖，必誠必腆。」即工拜公嬤有一个原因，因為照周朝的曆法，十一月是正月，冬至是過年，到漢朝以後雖然閣改返來以一月為正月，但是古早的冬至過年風俗一直保留落來。所以彼當時冬至愛互相慶賀，愛拜祖先、甚至愛摒掃厝內，一切和過年仝款。後來就有一句話講「冬至大如年」。遮个古早歷史雖然已經離咱真遠矣，但是咱嘛有保留其中一項。自細漢咱呷圓仔，大人就講呷冬至圓會加一歲。彼就是因為冬至是古早的過年，過年本來就愛加一歲。 

佇中國，南北的風俗攏無相仝。北爿人過年過節較時行呷麵食，像水餃、扁食彼類的。咱南方人就呷較濟米食，像糕仔、粿仔等等。冬至用秫米去挲圓仔，圓仔生做幾若款。有尚簡單的紅色、白色的細粒圓仔，煮甜湯。有人講紅的是金，白的是銀，一碗圓仔有紅有白，就若像歸碗的金銀財寶。若是客人的圓仔，平仔用細粒圓仔，但是芡油蔥、香菇、茼萵落去煮鹹湯，湯頭用料有夠澎湃。我尚愛呷的是包āⁿ的大粒鹹圓仔，煮湯的時加寒天大出的茼萵、菠菱仔，足芳足好呷。不過，即馬電視廣告的包塗豆、麻仔彼款甜āⁿ的大粒圓仔，我懷疑毋是台灣在地的冬至圓仔，可能是1949年以後才對外省傳入來的。我<span>phián冊的時有<span>phián著清朝蘇州的冬至風俗，講是包āⁿ大粒的是拜祖先用的圓仔，細粒沒āⁿ的才是拜神明用的，但是台灣若像無分佮遮爾仔清楚，雖然古早可能有分嘛無的確。

台灣以早的冬至，尚工夫的是做一款「菜包」，外口是粿皮，內面包菜脯米仔佮肉（即馬真濟人給即款食物叫做「客家菜包」其實無正確，菜包毋是干焦客家人呷爾爾）。另外嘛有人用粿粞揉作豬、雞、鴨等等精牲的模樣，才閣用紅番仔米來點色，叫做「雞母狗仔」，這是一種祝願厝裡飼的精牲會當飼佮真大隻的意思。古早例，冬至圓仔挲好，就會去門、窗、古井邊、豬椆遮个所在，逐位攏粘一粒圓仔，因為四界攏有神，門神、窗神、井神平常的年節沒人給怹拜，年尾冬節的時就敬怹一粒圓仔，算是感謝怹一年來的服務。

另外一種冬至圓仔的作用閣較趣味，冬至進前暝，圓仔挲好了後，少年媳婦會提一粒圓仔用炭火來烰，等圓仔受熱膨起來，看伊pit開的形是膨出來抑是naih落去來預測伊會生查甫抑是查某。不管是「雞母狗仔」，抑是用圓仔占生查甫抑查某，攏是向望新的一年人丁、六畜興旺。這當然佮現代人的生活無啥物關係矣，但是，若mai去想遐爾仔濟，干焦圓仔圓圓的形，就會當代表家人團圓，本身就是真好的意義。

明仔載冬至，祝逐家冬至快樂。冬至暝，你欲呷佗一種圓仔？

［華語對譯］

冬至，因為寫作冬「至」，所以通常大家將它理解成冬天「到了」的意思。其實，冬天從立冬那天開始就算到了，這裡的「至」代表「至極」，也就是太陽離北半球最遠，冬天到了冬至算是到逹最顛峰的時候，再來太陽就會從南半球再慢慢回到北邊。

我從小聽大人講冬至，從來不曾懷疑過它的漢字可能不是這兩個字。一直到幾年前，知道有人寫做「冬節」，才從此改了過來。不過，我一直還有懷疑，因為我家唸這個詞的音實在比較像「冬祭」。到底這天是不是唸成「冬祭」雖然還不確定，但是冬至確實是一個「冬祭」的日子，這天最重要的是祭祖，也就是我們白話講的「拜公嬤」，拜公嬤的時候就要拜湯圓。

《台灣通史》說「臺人以清明為春祭，中元為秋祭，冬至為冬祭，各祀其祖，必誠必腆。」這天拜公嬤有一個原因，因為照周朝的曆法，十一月是正月，冬至是過年，到漢朝以後雖然又改回來以一月為正月，但是古老的冬至過年風俗一直保留下來。所以那時冬至要互相慶賀，要拜祖先、甚至也要打掃屋裡，一切和過年相同，後來就有一句話講「冬至大如年」。這些古老的歷史雖然已經離我們很遠了，但是我們仍有保留其中一項。從小我們吃湯圓，大人就說吃冬至湯圓會多一歲，那就是因為冬至是古時候的過年，過年本來就會增加一歲。 

在中國，南北的風俗都不相同。北方人過年過節較時興吃麵食，像水餃、餛飩這類的。我們南方人就吃較多米食，像糕、粿類等等。冬至用糯米去搓湯圓，湯圓仔形狀有好幾種。有最簡單的紅色、白色的小顆湯圓，煮甜湯。有人說紅的是金，白的是銀，一碗湯圓有紅有白，就好像整碗的金銀財寶。若是客家人的湯圓，一樣用小顆湯圓，但是用油蔥、香菇爆香，右茼萵下去煮鹹湯，湯頭用料十分豐富。我最愛吃的是包餡的大顆鹹湯圓，煮湯的時候加冬天盛產的茼萵、菠菜，很香很好吃。不過，現在電視上廣告的包花生、芝麻那種甜餡的大顆湯圓，我懷疑不是台灣在地的冬至湯圓，可能是1949年以後才從外省傳進來的。我翻書時有翻到清朝蘇州的冬至風俗，說是包餡的大顆湯圓是是拜祖先用的，小顆沒餡的才是拜神明用的湯圓，但是台灣好像沒分得那麼清楚，雖然也許古時候也有分也說不定。

台灣以前的冬至，最費工夫的是做一種「菜包」，糯米粉糰裡面包蘿蔔脯和豬肉餡（現在很多人將這種食物叫做「客家菜包」其實不正確，菜包不是只有客家人吃而已）。另外也有人用粿粞捏作豬、雞、鴨等等牲畜的模樣，再用紅番仔米來染色，叫做「雞母狗仔」，這是一種祝願家裡飼養的牲畜能養得很大隻的意思。古時候的風俗，冬至湯圓搓好，就會去門、窗、古井邊、豬圈這些地方，每處都粘一顆湯圓，因為到處都有神，門神、窗神、井神平常的年節沒人祭拜他們，歲末冬至的時候就敬拜他們一顆湯圓，算是感謝他們一年來的服務。

另外一種冬至湯圓的作用更加有趣，冬至前夕，湯圓搓好了之後，少婦會拿一顆湯圓去用炭火來烤，等湯圓受熱膨脹起來，看它裂開的形狀是突出來或是凹下去來預測她會生男或是生女。不管是「雞母狗仔」，或是用湯圓仔占卜生男生女，都是冀望新的一年人丁、六畜興旺。這當然和現代人的生活沒什麼關係了，但是，如果不去想那麼多的話，光是湯圓圓圓的形狀，就可以代表家人團圓，事物圓滿，本身就是很好的意義。

明天冬至，祝大家冬至快樂！冬至夜，你要吃哪一種湯圓呢？