敁縛

taken by Roby72

彼工佇店小二的就任禮拜中，我學著一个新个名詞：敁縛。

例句：祂要使人對罪惡中得著釋放。（台灣基督長老教會信仰告白）

北京話寫作釋放个即个詞，當時聽人唸作敁縛（thau2-pak8）。

敁縛个意思都是共結（kat）敁開，有當時仔咱有待誌想袂開个時，親像是頭腦拍死結。即个結共咱歸身軀攏縛甲ân-ân，強欲袂喘氣。只有共即个結敁開，人才會感覺較舒適，會當喘大氣。這大概就是敁縛解說作釋放个意義。

真久以前，我bat看過庄跤个廟仔咧鬧熱个時，有一个老歲仔人用一條長長个巾仔拍結，信徒排隊走對頭前來，用手共彼个結敁開。敁開了後，老歲仔人都閣拍一个結予後一个人敁。老歲仔人雙手翻過來閣peng過去，我看甲目睭攏花去。後來才知影即个儀式叫做解結，是佛教共道教攏有个名詞。但是解結佇宗教个解說內面，是說結冤仇个人，從此mai閣計較。即个解冤个意思，佮我頂面講个頭腦打結、想袂開个情形無啥同款。

自遮又閣想起來英文个結婚，有一个說法叫做 tie the knot，就是拍結。咱哪是揣毋著人結婚，拍即个結都親像是結冤仇，所以千萬毋tang黑白拍結呢。

毋知安怎，即兩日一直咧想即个詞。我亦bat經過彼種心肝結歸球个日子，彼當時干旦欲找著彼个結都已經不簡單囉，閣mai講是敁縛。但是，哪是有人會當佇我想袂開个時拍一个結予我敁，我一定會較緊去敁，向望所有个煩惱會當自安呢敁縛，目眉心花展開開，吸一喙自由个空氣。





－－－－－－－－－－－－－－－

華語對譯（寫台文个前輩一蕊華有寫，avant嘛有寫，我只好嘛來寫）：


那天在店小二的就任禮拜中，我學到一個新名詞：敁縛。

例句：祂要使人對罪惡中得著釋放。（台灣基督長老教會信仰告白）

北京話寫作釋放的這個詞，當時聽人唸成敁縛（thau2-pak8）。

敁縛的意思都是將結解開，有時候我們有些事想不開，就像是頭腦打死結。這個結將我們全身綁得緊緊的，幾乎不能喘氣。只有將這個結解開，人才會感覺較舒適，可以喘口氣。這大概就是敁縛解釋成釋放的意義。

很久以前，我曾看過鄉下的廟會時，有一老人用一條長長的布巾打結，信徒排隊走到前面來，用手將那個結解開。解開以後，老人又再打一個結給下一個人解。老人雙手翻過來又翻過去，我看得眼睛都花了。後來才知道這個儀式叫做解結，是佛教和道教都有的名詞。但是解結在宗教上的解釋，是說結冤仇的人，從此不再計較。這個解冤的意思，和我上面講的頭腦打結、想不開的情形不太一樣。

從這裡又想到英文的結婚，有一個說法叫做 tie the knot，就是打結。我們如果找不對的人結婚，打這個結就像是結了冤仇，所以千萬不可胡亂打結啊！

不知怎麼，這兩天一直在想這個詞。我也曾經過那種心肝糾結成團的日子，當時要找到那個結都已經不容易了，更別提是解縛。但是，如果有人在我想不開的時候打一個結給我解，我一定會趕緊去解，希望所有的煩惱會就這樣解縛，眉頭心花舒展，吸一口自由的空氣。